Хатамова Гулирух Фархадовна. Сирдарё туманидаги 40 мактабни тамомлаган. У инсонлардаги самимийлик,бағрикенглик, меҳнатсеварлик, ҳалоллик каби ҳислатларини қадрлайди. Онаси каби нотариуслик касби билан инсонлар оғирини енгил қилиб уларга фойдаси тегаётганлигидан фахрланади.

 

-Мактабда ўқиб юрган вақтларимда онам нотариус эдилар, -дейди Гулирух.  – Кўп вақтим онамнинг ёнларида ўтар эди. Шу сабаб бўлса керак менда нотариуслик касбига меҳр уйғонган . Онам устозим, онам фахрим, дея бемалол айта оламан.

Қуйида Гулирухнинг фуқаролар томонидан берилган саволларга жавобини ҳавола этамиз.

САВОЛ: Мен Тошкент шаҳри, Миробод  туманидан кўп қаватли уйлардан бир неча  йил аввал  икки хонали квартира сотиб олгандим. Ўша вақтларда бошқа вилоят фуқаролари номига пойтахтдан кўчмас мулкни расмийлаштириш учун вақтиналик  рухсат йўқ эди. Шу боис  Тошкент шаҳрида доимий рўйхатда турувчи опамнинг ўғли номига уйни нотариал тартибда расмишлаштиргандик. Энди  уйни ўзимнинг номимга ўтказмоқчиман. Бунинг  учун қандай ҳужжатлар талаб этилади ва бу жараён қанча вақтни олади. Коммунал хизмат идораларидан ҳам маълумотномалар олиш  керакми?

ЖАВОБ: Опангизнинг ўғли -жиянингиз ўзига яқин хоҳлаган нотариал идорага кадастр ҳужжати, паспорти билан мурожаат қилиши мумкин. Шунингдек, жиянингизнинг турмуш ўртоғи бўлса, унинг ҳам нотариал тартибда расмийлаштирилган розилиги олиниши лозим.

Қарздорлик бўйича, унинг бор-йўқлиги масаласини нотариус электрон равишда текширади.

САВОЛ: Синглимни холам Туркияда ўқитиш учун олиб кетмоқчи. Чет давлатда яшаш ва ўқиш учун қандай қилиб Ишончнома расмийлаштирилади?

ЖАВОБ: Вояга етмаганлар чет элга чиқаётганда, ишончнома эмас, балки,

ота-онасидан ҳамроҳлик қилувчи шахсга розилик берилади. Ота-онанинг розилиги нотариал тасдиқланади ва бу ҳужжат Туркияда апостилни талаб қилади.

Апостил қўйиш масаласи бўйича сиз давлат хизматлари марказига мурожаат қилишингиз ёки Ягона интерактив давлат хизматлари портали (Ягона интерактив давлат хизматлари портали) хизматларидан фойдаланишингиз мумкин.

Саволларга Тошкент вилояти Чиноз туманида хусусий амалиёт блан

шуғулланувчи нотариус Гулирух ХАТАМОВА жавоб берди.