ОНАЖОНИМ
Онажоним,жонкуярим, онажоним.
Сиз мен учун олам ичра ягонасиз.
Лекин мендек хунуккина қизингизни
Бунча кимдан қизғонасиз, қизғонасиз?
«сочингни ҳам турмаклама, маҳкам ўриб,
Дугонангдан ортда қолма» дерсиз она.
Хавотирла ортимдан ҳам бориб, кўриб.
Ахир, менга сиздан бошқа ким парвона?
Ҳозир замон севгисига чин қасд қилган
Фарҳодлару Отабеклар қолибдими?
Қолаверса, Аллоҳ менинг юрагимга
Илм олмоқдан ўзгасини солибдими?
Она, ёдда тутгум қонун сўзингизни.
Сиз мен учун олам ичра ягонасиз.
Лекин мендек хунуккина қизингизга
Бунча кимдан қизғонасиз, қизғонасиз…
Салимабону Раимқулова
Comments are closed