ҚЎЙ
Кимдандир эшитган ёлғонингиз дилингизни хира қилиши мумкин.Шунинг учун кўчадан эшитган гапларга ишонаверишни бас қилинг, ҳар бир ишни аввал ўйлаб, кейин амалга оширинг. Ўзингизга бироз талабчан бўлсангиз, барча муаммоларингиз ўз-ўзидан ҳал бўлади. Янги танишларнинг барчаси ҳам яхши бўлавермаслигини бу ойда ўз бошингиздан ўтказасиз.
БУЗОҚ
Эҳтиёт бўлинг, қўшнилар ва бегоналар орасида сизга яхшиликни раво кўрмайдиганлари ҳам борлиги ёдингиздан чиқмасин. Дўст деб билган кишингизга ваъда бердингизми устидан чиқишга ҳаракат қилинг. Энг катта аҳамиятни саломатлигингиз ва мулкингизни эҳтиётлашга қаратишни маслаҳат берамиз.
ЭГИЗАКЛАР
Танимаган кишилар билан яқин дўст бўлишга шошилманг, доно халқимизнинг “Синамаган отнинг сиртидан ўтма…”мақоли ёдингизда бўлсин.Уй ичида оила аъзоларингизга эътиборсиз бўлишингиз сизга қатор муаммолар келтириб чиқариши мумкин. Атрофдагиларни тинглашга ўрганинг, ютқазмайсиз. Тинимсиз ҳаракатингиз ишда сизга муваффақият келтиради.
ҚИСҚИЧБАҚА
Айни кунларда даромадли, омадли шартномани имзолашингиз мумкин.Ҳаммасини ободон ўйлаб, амалга оширинг. Ҳамкорингизни синчиклаб ўрганинг, иш давомида яхши кишилар билан танишиб оласиз. Бошлаган ишингизни оила аъзоларингиз ҳам қўллаб-қувватлайди, бу оилага фаровонлик келтиради ва аҳилликни янада мустаҳкамлайди.
АРСЛОН
Муваффақияти даргумон бўлган лойиҳаларга қўл урманг. Вазиятга жиддий баҳо беринг, атрофдагиларингизга катта ваъдалар бериб, устидан чиқмай қолсангиз, обрўйингизга путур етади. Сизга нисабатан ҳақсизлик қилишлари мумкин, аммо сиз бу салбий ҳолатни оғир-босиқлик билан енгиб кетасиз. Охир-оқибат ҳамма сизнинг ҳақлигингизни тушуниб етади.
ПАРИЗОД
Ёлғон гапирманг, ёлғонингиз ўзингизга қарши ишлатилиши мумкин. Имкон қадар хушмуомала бўлинг, айниқса, ўзингиз танимаган кишилар билан эҳтиёткор муомалада бўлинг. Турмуш ўртоғингиз ва фарзандларингиз ҳам “ширин сўзнинг гадоси” экани эсингиздан чиқмасин, ишдаги муаммолар ишда қолгани маъқул, оилангизга муаммоларни кўтариб келиш яхшиликка олиб келмайди. Бу ойда сизни узоқ йўл кутяпти, йўлга ишончли ҳамроҳ билан чиққанингиз маъқул.
ТАРОЗИ
Атрофда рўй бераётган ҳодисаларга реал қараш вақти келди, анчадан буён ечимини кутаётган муаммолар юзага қалқиб чиқади, аммо сиз бундан чўчиманг. Дўстларингиз сизни қўллаб-қувватлашади, аммо ҳар жойда кўп гапирманг, “айтилган гап-отилган ўқ”, ўзингизга зиён келтириши мумкин. Мусичадек беозор деб ўйлаган инсонингиз сизга панд бериши мумкин. Шу боисдан “ўзингизни эр билсангиз, ўзгани шер билинг”!
ЧАЁН
Қалбингизни синовдан ўтказиш вақти келди. Ҳар доим ҳам кўнгил истаги ва имкониятлар тўғри келавермайди. Шу боис “ҳоҳлайман” деб, кейин пушаймон қиладиган ишларга қўл урманг. Шошиб қарор қабул қилманг, зеро “шошган қиз эрга ёлчимас”. Энг аввало, кўнглингиз ҳукмронига айланган инсоннинг яхши ва ёмон томонларини ёзиб чиқинг, яхши томони баланд келишига инонсангиз, этагидан маҳкам тутинг.
ЎҚОТАР
Фақат яхши нарсалар ҳақида ўйлашга ҳаракат қилинг. Ҳамкасбларингизнинг гап-сўзларига кўп ҳам эътибор бераверманг, сизга топширилган ишни аъло уддалашингиз ҳаммага ҳам ёқавермайди. Шу ойда узоқ сафарга чиқишингиз, кўнглингизга ёққан буюмларни харид қилишингиз мумкин.
ТОҒ ЭЧКИСИ
Ҳаётга бўлган интилишингиз юқори даражада. Аммо бу интилиш катта куч талаб этишини ва тез фурсатда ҳордиққа эхтиёжманд бўлишингизни унутманг. Рашк ёки худбинлик борасидаги майда гаплар сабаб, яқинларингиз билан низога боришингиз мумкин.
ҚОВҒА
Балки сиз учун бироз мураккаб бўлган вазиятга тушишингизга тўғри келар. Аммо нима бўлганида ҳам ўзингизга бўлган ишончни йўқотманг, фикрингизда собит туринг. Балки баъзи ҳолатларда масалага совуққонлик билан ёндашишга тўғри келиши ҳам мумкин, аммо бу юз бериши мумкин бўлган асабий ҳолатлардан ҳимояловчи воситадир.
БАЛИҚ
Организмингиз анча кучсизланган. У мазали, витаминларга бой таомлар ва яхши ҳордиққа, оромга эҳтиёж сезяпти. Катта куч сарф этишни талаб қиладиган машғулотлардан, асабингизга тегувчи майда-чуйдалардан ўзингизни эҳтиёт қилинг.
/p
Comments are closed