/ Ҳуқуқий саҳифа / Comments are Disabled

Ўтган 2018 йилда 7,5 миллион АҚШ доллари миқдорида маҳсулот экспорт қилган “GULISTAN MILI TEXTILE” корхонаси бу йил мазкур кўрсаткични 9,5 миллион АҚШ долларига етказишни мўлжалламоқда.

Бугунги кунда O’zLiDeP Сирдарё вилоят Кенгаши томонидан жойларда катта натижаларга эришиб келаётган тадбиркор ва фермерларнинг фаолиятлари билан яқиндан таништириш мақсадида тадбиркорлик субъектларига партия фаоллари ва ёшлар саёҳатларини уюштириш анъанага айланган.

Мана шундай саёҳатларнинг навбатдагиси 25 апрель куниO’zLiDeP Гулистон шаҳар Кенгаши томонидан шаҳарда жойлашган “GULISTAN-MILI-TEXTILE” МЧЖ биносида ташкил этилди. Тадбирда O’zLiDeP Сирдарё вилоят Кенгаши вакиллари, тадбиркорликга қизиққан ва ўз фаолиятини бошламоқчи бўлган ёшлар ҳамда ОАВ вакиллари иштирок этишди.

Дастлаб улар корхона фаолияти ва яратилган шарт-шароитлар билан яқиндан таништирилди. Қайд этиш керакки, корхона ишга тушган вақтда ишчилар сони 100 нафар бўлган бўлса, бугунги кунга келиб уларнинг сони 400 нафарга етди. Мазкур ишчиларнинг 90 фоизини асосан маҳаллий коллеж битирувчилари ташкил этади.

2008 йилдан бери бир маромда фаолият юритаётган корхонамиз 2018  йилда 7,5 миллион АҚШ доллари миқдорида маҳсулот экспорт килган бўлса, 2019 йилда бу кўрсаткични 9,5 миллион АКШ долларига етказишнимўлжалламокдамиз, — дейди“GULISTAN-MILI-TEXTILE” МЧЖ раҳбари Равшан Ғаниев. —Маҳсулотларимиз асосан Украина, Белорусия, Москва, Қозоғистон, Туркия давлатларига экспорт килинади. Бу йил ишлаб чиқариш ҳажмини 20 фоизга ошириш ва сифатни янада яхшилашни режалаштирганмиз. Айни вақтдакорхонамиз фаолиятини кенгайтириш мақсадида 12 гектар ер майдонида қурилиш ишларини олиб бормоқдамиз.

Шунингдек, шу куни корхонада мавжуд бошланғич партия ташкилотининг навбатдаги ҳисобот-сайлов йиғилиши бўлиб ўтди. Ҳозирда корхонада 63 нафар O’zLiDeP аъзолари мавжуд. Ҳисобот-сайлов йиғилишида ўтган вақт давомида амалга оширилган ишлар муҳокама қилинди ҳамда партия бошланғич ташкилоти раислигига корхона раҳбари Равшан Ғаниев партия аъзолари томонидан қайта сайланди.

Тадбир давомида O’zLiDeP Сирдарё вилоят Кенгаши Мафкуравий, тарғибот-ташвиқот ишлари бўлими мудири Дилшод Тўрақулов сўзга чиқиб жорий йилда мамлакатимизда бўлиб ўтадиган муҳим сиёсий жараёнлар – парламентга ва маҳаллий Кенгашлар депутатлигига бўлиб ўтадиган сайловлар муносабати билан бу йилги сайловларнинг ўзига хос хусусиятлари ҳамда Ўзбекистонда сайлов ҳуқуқининг муҳим жиҳатлари хақида маълумотлар бериб ўтди. Бўлиб ўтадиган сайловларга тайёргарлик кўриш баробаридааҳолини мамлакатимизда ҳуқуқий демократик давлат ва кучли фуқаролик жамияти барпо этиш жараёнига кенг жалб этишмуҳим вазифа ҳисобланади.

Тадбир якунида партия сафига қабул қилинган 10нафар аъзоларга партияга аъзолик гувоҳномаси тантанали топширилди.

                                     Ирода Ҳусанова,

Халқ депутатлари Гулистон шаҳар Кенгашидаги

O`zLiDeP депутатлик гуруҳининг ижрочи котиби