/ Ҳуқуқий саҳифа / Comments are Disabled

Бунга маҳсулотимизни хорижга экспорт қилиш натижасида эришмоқчимиз.

Президентимиз раҳнамолигида мамлакатимизда барча соҳаларда олиб борилаётган кенг кўламли ислоҳотлар халқимизнинг фаровон ҳаёт кечиришида муҳим омил бўлмоқда. Яратилаётган бу имкониятлар натижасида аҳоли учун зарур бўлган текстил маҳсулотлари сифатли тарзда ўзимизни корхоналарда ишлаб чиқарилмоқда. Бу каби маҳсулот ишлаб чиқараётган корхоналарнинг кўпайиши юртимизда кўплаб янги иш ўринларини яратилишига хизмат қилмоқда.

Хусусан, Давлатимиз раҳбарининг 2013 йил 8 августдаги «Кичик бизнес ва хусусий тадбиркорлик субъектлари экспортини қўллаб-қувватлаш борасидаги қўшимча чора-тадбирлар тўғрисида»ги қарори биз каби корхоналарга катта имкониятлар яратиб берди. Кичик бизнес ва хусусий тадбиркорлик субъектлари экспортини қўллаб-қувватлаш жамғармаси Сирдарё филиали томонидан вилоятимиздаги корхоналарга хорижий ҳамкорлар топиш ҳамда юртимизда ишлаб чиқарилаётган маҳсулотларни хорижга экспорт қилишда тадбиркорларимизга муносиб кўмакдош бўлиб келмоқда.

Буни Янгиер шаҳрида фаолият кўрсатаётган «Кармента Ян Текс» корхонамиз мисолида ҳам кўришимиз мумкин. Яна шуни айтишим мумкинки, биз ишлаб чиқарилаётган текстил маҳсулотларини Жамғарманинг саъй-ҳаракати ҳамда кўмаги натижасида Россия федерацияси ООО «НИК» корхонаси билан умумий қиймати 240 минг АҚШ долларига тенг шартнома имзолаб жорий йилнинг ўтган даври мобайнида 202,6 минг АҚШ доллари миқдоридаги маҳсулотни экспорт қилишга эришдик.

Шунингдек ўтган даври мобайнида 60 дан зиёд янги иш ўринлари яратиб касб-ҳунар коллеж битирувчисини иш билан таъминлашга эришдик. Келгусида Жамғарма кўмакларидан кенг фойдаланган ҳолда хорижий кўргазмаларда иштирок этиб янги ҳамкорлар топишни режалаштирганмиз. Ишлаб чиқараётган маҳсулотларимизга хорижий харидорларни кенгроқ жалб қилиш эвазига иш ўринларини яна 200 тагача етказишни режалаштирмоқдамиз. Бундан ташқари, маҳсулотларимизни янада сифатли бўлишига, шу билан бирга маҳсулот турларини кўпайтиришга янада эътиборни кучайтириб хорижий ҳамкорлар билан мустаҳкам алоқаларни ўрнатишни мақсад қилганмиз.

Ш.Атаджанов,

«Кармента Ян Текс» корхонаси рахбари.